فقط للاعماق الصادقة

[همسات]

لو ما أبيك ..
ما تشوف
ضلوع صدري .. ثلـّجت
وهي تحتريك !
ما تشوف
الناس ماتت في عيوني
واختفت !
ما تشوف
الكلمه لامن جيت ابنطقها
وقفت !
انت اكبر مشكله عندك حبيبي
ما تشوف
الله يهديــك ..

[همسات]

تمادى في ابتكار ((البرد)) و المنفى
تمادى واتمادى في خيالاتي
بـ صورك ((دفى )) أحضان لين اغفى
او انسج سيرتك موطن لـ آهاتي
أو استنزف طيوفك والطيوف اوفى
واضمد بـ اللقا يا المبعد ذاتي

[همسات]

آآهـ لو إن دافـي اشواقـي لعـب بـك !
.. أو ..
علـى فكـرك هواجيـسـي تـلـوت !
كان تـدري كيـف صـار الحـال بـ سبـك ؟!
وكيف فجعة غيبتك في الصـدر دوت ؟!

[همسات]

((حطب)) الفرح غض ..
و((جمر)) الحزن حراااق
والموت ماينتظر صدفة لقا أو حظ
وقبل الوهن يكتظ
وشعري سواده يحتظر
خلنا نسبق وقتنا
(( ترى العمر سرااااق )))[/
هذاك لو قال ((الشتا )) صيف .. عرقت
ولو قال صيفي(( برد)) .. شبيت ناري

[همسات]

ذَهَب كل الكلام وفضته يوم السكوت نـحاس
قبل ما اشوفك اشوفك نهر من منبع عــذوبه
احبك من زمان(( البرد)) .. احبك من زمان الياس
كثر ما اصحى من ايام الوله وادخل فـ غيبوبه
أنا وحدي حبيبك لو قريتك في وجيه الناس
ولو وجهك ذنوبٍ مالها في سجدتي توبه
تجي مثل العزا بعد العزا في غيبة الأعراس
وتروح اشبه بـ دمعة فـ الورق بـ الصمت مكتوبه

[همسات]

الحب ..
يضحكنا
يبكينا
يسعدنا
ويشقينا
ومن ذاق الهوى ماتاب
ولا ينفع ملام وعتاب
صحيح ان الهوى غلاب
ومن حب الهوى مره
يضل مرهون تحت امره
على حلوه
على مره
على(( برده))
على ((جمره))

[همسات]

يالغايب الحاضر معي وسط الافكار
يالمرتوي منّي .. وأخايل سرابك
انت(( المطر(( وانت(( البَرَدْ)) وانت الانهار
وشلون أضما بوقفتي عند بابك .؟
وإنت الفضا يالرحب .. والباقي أسوار
أضيق فيهم وأتفيّا سحابك

[همسات]

يذوب الثلج فـ عيوني
على جال الهدب والنار
ولا حسيت غير أني
أصيح وصوبك الطاري
ندهت أرجع هنا أمسي
هنا ذنبي هنا إستغفار
هنا شفت الأمل يُقتل
هنا شفت الحيا عاري

[همسات]

جيـت لـك ودي " شويـة إهتـمـام "
في يدينك .. كني " الطفل الرضيع " !!
وأشتريتـك بـ الأمـل حــد الهـيـام
وأنـت ماقصـرت بـ أشواقـي تبيـع !!

[همسات]

غفيت وبعض نظراته علي
وكل نظراتي عليه
وش أسوي؟؟
اشوفه في الزوايا وفي الطريق
في ثنايا .. (( برد)) ليلي .. والحريق
في حنايا..قلب غافي..مايفيق
صاحبي.. قلّي شسوي؟؟
يتبعني خياله
يبتسم لي ثم يتركني ويرحل
كن هالدنيا له لحاله
مارحمني ولارحم حالي
صاحبي ارجوك قلّي شسوي؟
لاجرحته وأستثارت هالعروق
وش أسوي؟؟