فقط للاعماق الصادقة

[همسات]

من يوم ما ذوقتني فرقاك والحزن في حياتي غرستة،،
شريت لي ثوب علشان لقياك راحت موضته ومالبسته،،
شريت لي عطر مازهاني بلياك له سنين بعلبته مالمسته

[همسات]

اليوم أنا راحل عن دنيا تبكيني ماودها تفرحني ولو يوم،،
تسمح لي بكلمه قبل لا ألبس ثوب الوداع،،
من حبك في هالدنيا لاتخسره.. تراك بتندم يوم تفقده،،
ومن شراك من بين هالناس لاتفكر تبيعه .. لانه ترك العالم وجاك،،

[همسات]

ابي ارحل لعالم ثاني ..
انسى فيه كل زماني ..
واوعدك اذا رحلت
راح اقسي قلبي واسجنه ..
لكن مع هذا وذاك ..
اعرفه قلبي ماراح ينساك !
باقي على ذكراك ؟؟
لو هجرته .. لو طعنته ..لو ذبحته ..
بيظل يهواك ويهواك ..
الين تدفنه ..
(( بيمناك...! ))

[همسات]

ولهت في لحظة عليك وقمت اسافر في ذكرياتي...
تذكرت لك معي وقفات خليتني ابتسم ما احاتي....
انت بطيب روحك تملك الناس...وبطيبتك تمحي كل معاناتي...
صرت اشكر ربي عليك لانك من اروع الناس في حياتي

[همسات]

سمعت باليتيم اللي قدام عينه تموت أمه
يناظر ولا يقدر يبرر دمعة الشفقان
يصرخ خذي روحي بس خليك يايمه
وتموت ويعاني مع الذكر ألم واحزان
كأن احساسي احساسه وما همني همه
هو القدر أخذ أمه وأنا فاقد أعز انسان

[همسات]

وينك تجاوب صرختي بسكرة الموت..
وينك تشيل اطلال خلك بتابوت..
تعال وانقلني على القبر بسكوت..
تعال حقق في مماتي ..
ما ابيك تبكي وترفع الصوت..
لي الشرف لو جيت تحضر وفاتي..

[همسات]

يا حبيبي عسى ربي يخليك
ارفق بقلبي وارحمه يا حياتي
ارحم غريق في غرامك يراعيك
بعدك عذاب وشوف زولك غناتي
بين العرب لساني دووم يطريك
وماظن ينسى من يسوي سواتي
متعلق قلبي يودك ويغليك
وعسى غلاك ما يسبب وفاتي

[همسات]

يا شوق خبرني عن اللي انا اغليه
عن واحد روحي بحبه شغوفة
اغليه من بد الخلايق وافديه
واحس للفرحة طعم يوم اشوفه
يطلب عيوني يطلب القلب واعطيه
ارهن حياتن بين ضمة كفوفه

[همسات]

يا غايب عني لك الحب ماغاب
متى تجي وتشوف همي بعينك
ماطاب لي جرح ولا خاطري طاب
متى يديني تحتضنها يدينك
ياصاحبي لو قالوا الوقت كذاب
يكفيني كلامك ودافي حنينك
لو ان قصدي في الزمن كثر الاصحاب
ما قلت يا ساكن الروح وينك

[همسات]

حزينة
لحظة الغروب
تمووت الشمس مجبورة
! تكابر..!
ودها ترجع
وتعطي الناس من نورها
ترى هذا) انا بدووونك)
بنفس الشكل
والصووووورة