ツ】..الله يجـازي مـن يسـوي سـواتكـ..【ツ

[اشراقات]

,’


السلام عليكم ورحمة الله وبركاته..


بعد انقطاع عن القسم فترة أكثر من طويلة..
نأتي اليوم مع مغامرة جديدة في عالم الفوتو بهذا التصميم البسيط ..




,’

الله يجازي من يسوي ... سواتك
وبذنوب من سوى سواتك ,,, يجازيكـ

مشيت درب الثقل وتحب ... ذاتك
ما تدري إنـه للمـهـالك ,,, يـوديـكــ

وغرك جمالك يا خسارة ... حلاتك
ما تدري إن ما غير طبعك ,,, يحليكـ

بتقول زينك يشفع ... لسـيئاتـك
الحسن ما هو عن وفى الحب ,,, يعفيكـ

لو التواضع والوفى من ... سماتك
بعت الحبايب كلهم دين ,,, واشريكـ

لكن عجزت أغيرك يااا ... جراتك
على الغياب اللي بلا عذر ,,, ينجيكـ

خطاي في توضيح وشي ... غلاتك
وخطاك في توضيح وشو ,,, تغليكـ

وشلون توْصِيني وتنسى ... وصاتك
وتصد عن صوت ( ن ) تقطّع ,,, يناديكـ

ما فاتك التجريح والعذر ... فاتك
وتبغي رضاي الحين ما عاد ,,, يمديكـ

صحيح أحبك بس هذي ... جزاتك
بعلمك درس ( ن ) يفيدك ,,, ويحييكـ

تدري وش ابيض من خفوقك ... عباتك !!
وتدري وش اللي غرني ,,, نظرتي فيكـ

أدري بتستغرب ! .... تصبّر وجاتك
قصيدتن من واحد ( ن ) ,,, كااان يبغيكـ

وتبغي تناظر وأنت عايش ... مماتك
شف وحدتك والناس تجلس ,,, حواليكـ

وتبغي تشوف اشجع رجل ... في حياتك
شفني وانا مقفي على كثر ,,, ما أغليكـ



قصيدة الشاعر.. محمد بن فطيس المري
وليعذرنا قطعت منهـا مراعاة لحجم الصـورة



,’


ツ】الصــور المستـخدمــة【ツ










ツ】والـتصــمـيـم【ツ







أكيـد اني في بدايـاتي وآرائـكـم تهــمني..

[أرق النواعم]

صراحة ودون مجاملة >>

الدمـج رووووعـــــه >>

عجبني حيل متقن ومرتب

بس ناقصها شي اللي هو الاطار

اما التصميم بشكل عام قمة

للامام ان شاء الله اشراقات

ولا تحرمينا من مواضيعج ^^

تقبلي مروري

[اشراقات]

هلا بالغالية

والله يحلي ايامك ويحفظ غاليك
الإطار 1 بيكسل بس ماهو ظاهر كثير
يمكن لو كان منقط يكون أحلى ويش رأيك !

ومشكورة عالتواجد والملاحظة
بنقدكم نرتقـي
الله يحفظك
..

[seabreeze]

وعليكم السلام ورحمة الله وبركاته..
منوووورة أختي اشراقات..
ماشاء الله عليك..
تصميم رائع الدمج والاضاءة وكله روعة واختيارك للأبيات.. لكن باقي الاطار مثل ما قالت أختي أرق..
ونتمنى لك المزيد من التقدم وخلينا نشوف باقي ابداعاتك :) ..

[*النورس*]

ما شاء الله لا قوة إلا بالله ,, رائعة أين ما كنتِ

[عبدالله السالم]

السلام عليكم ورحمة الله وبركاته

اختنا الفاضلة اشراقات

تصميم رائع

لكِ الشكر و التقدير على هذا الجهد المتميز
وشاكر على مشاركاتكِ الفعاله ومساهمتك في
اثراء نبراس نبراس تصاميم ورسومات الاعضاء
والنبراس عامة
حفظكِ الله وأسرتكِ وأحبتكِ بما يحفظ به عباده الصالحين

[اشراقات]

اقتباس   المشاركة الأصلية كتبت بواسطة seabreeze وعليكم السلام ورحمة الله وبركاته.. منوووورة أختي اشراقات.. ماشاء الله عليك.. تصميم رائع الدمج والاضاءة وكله روعة واختيارك للأبيات.. لكن باقي الاطار مثل ما قالت أختي أرق.. ونتمنى لك المزيد من التقدم وخلينا نشوف باقي ابداعاتك :) ..

نورك يالغلا وملاحظاتك على الراس
عز الله شآنك وألف شكر لك
..

[اشراقات]

اقتباس   المشاركة الأصلية كتبت بواسطة *النورس* ما شاء الله لا قوة إلا بالله ,, رائعة أين ما كنتِ

عسى الله يعافيك ويعطر لياليك
اسعدني تشريفك متصفحي غاليتي واستاذتي الفاضلة..
فألف شكر لك

[العيوون]

روعة

حلو مرة

[اشراقات]

اقتباس   المشاركة الأصلية كتبت بواسطة عبدالله السالم السلام عليكم ورحمة الله وبركاته اختنا الفاضلة اشراقات تصميم رائع لكِ الشكر و التقدير على هذا الجهد المتميز وشاكر على مشاركاتكِ الفعاله ومساهمتك في اثراء نبراس نبراس تصاميم ورسومات الاعضاء والنبراس عامة حفظكِ الله وأسرتكِ وأحبتكِ بما يحفظ به عباده الصالحين

وعليكم السلام ورحمة الله وبركاته
آمين وإياكم ربي يجزاكم يخير
وألف شكر لك استاذي نعتز بتواجدكم
..