()() قل إتصالي()()

[خالد المحسن]

صاحبي قل اتصالي يوم شكي فيك زايل =يالربيع اللي عشقته وانتشى قلبي بربيعه
تدري انك انت والدنيا سوات الحظ مايل= انت والدنيا وحظي بينكم موثق وبيعه
واحدٍ صب العذاب وواحدٍ يسقي الهوايل =وواحدٍ يرمي سهام المكر ورماح الفجيعه
بس شكراً علمتني غلطتك بعض المثايل= قلت بذكرها ووقتك لو عصاك احذر تطيعه
علمتني غلطتك إن الحذر خير الوسايل= والدفاع اليا تنظم خير من هجمه سريعه
وعلمتني ان الثقه تشعل كبيرات الفتايل= شوفها كم طيحت من بيت أبوابه منيعه
وعلمتني آخذ العبره من دروسٍ قلايل= وارسم الخطه واتوقع نتايجها السريعه
وعلمتني أكتم أسراري عن اصحاب الجدايل =وابتسم والنار تكويني وسري ما أذيعه
وعلمتني احط بيني وبين أهل الشر حايل = كل سوق وله بضاعه تشترى وإلا مبيعه
شوف غلطه واحده وشلون سوتلي الهوايل =وانت دايم لازعلت ارضيك واعطيك الذريعه
كنت أشوفك فرحة الدنيا ورقصات الخمايل= والغصون ام الضلال اللي على راسي فريعه
كنت اشوفك في المزون اللي لها عيني تخايل =وفي سكون الليل وايضاً في فضائات الوسيعه
كنت أشوفك واثرها راحت كما سراب القوايل= إن لحقته مالحقته وإن تركته مااستطيعه
لكن اسمع جاك قولي وانت مدري ويش قايل= عادتي كتام غيضي عادتي كره القطيعه
اجزي الزله ببسمه والدمع على الخد سايل= مادريت إن التطبع يكشفه صدق الطبيعه
خذت قلبي من ضلوعي وانتهى حل المسايل =رده لصدري وإلا بتركه عندك وديعه
بس إفهم ياحياتي شك قلبي فيك زايل =يالربيع اللي عشقته وانتشى قلبي بربيعه

وسلامتكم جميعاً
اخوكم خالد المحسن

[قصائد الود]

يعطيك العافية

[خالد المحسن]

قصائد الورد

الله يعافيك

خالد المحسن

[نوني2]

ابيات جميله اخوي سلمت يمينك