وحيد واعشق وحدتي والناس من حولي كثيـر!!!!!!!!!!!

[سعودية وكلي فخر]

]
طال انتظاري والمشاعر شكل غير ولون غيـر
والساعـة الرقميـة اذهلنـي جمـود ارقامهـا
الطاولة كتلـة خشـب والشمـع بلّلهـا زفيـر
والزاوية خجلا تعبـر عـن مـدى استفهامهـا
والفجر في قمة جبل مصلوب للأمـر الأخيـر
والليل سلمنـي نجومـه واحتطبـت عظامهـا
والريح قيثارة على الصامت لها موجة صريـر
تتنمل اطـراف النوافـذ مـن رفيـف انغامهـا
ميلادي الرابع وعشريـن اقبـل بخيلـه مغيـر
ضيفٍِ كسر قيد امنياتـي واعلـن استسلامهـا
تارك وراه انفاس مـرت كـل مافيهـا مثيـر
هلت لها عيني وانا استرجـع شريـط ايامهـا
تساقطت في هيئة اوراق الخريـف المستجيـر
من عاصفـة تستعبـد اوراقـه بسـن فطامهـا
وحيد واعشق وحدتي والناس من حولي كثيـر
حتى ان فوق الارض يزعجني دبيـب اقدامهـا
اهبط على سور المدينـة ليـن أولعهـا سعيـر
وارجع واشيدها مدايـن مـن بقايـا حطامهـا
لو يحسبون اش كثر مافيني من الحزن المريـر
دخلت موسوعة قنس واجتزت كـل اعلامهـا
تمرد افكاري يسافر بي علـى جنحـان طيـر
حتى يوصلنـي مجـرات السمـا واجرامهـا
راسي هناك وألف كوكب حول راسي تستديـر
متفاوتة مابيـن كبـر وبيـن صغـر احجامهـا
مالي مساحة تحتويني من هذا الكـون الكبيـر
نفسي تمرجـح بيـن واقعهـا وبيـن احلامهـا
اثر البشر ماردها عن حـق تحديـد المصيـر
الا مسافـة حـرف بيـن آمالـهـا وآلامـهـا
هذة حكاية عمر اسطرها على لوحـة حريـر
رسامها كـف القـدر ماهـوب انـا رسامهـا
ميلادي الرابع وعشرين انت ضيف وضيف غير
صحيفتك بيضا ولا ادري وش تخـط اقلامهـا
عسى السنين اللي طواها البين تذكرنـي بخيـر
والله يصبرني وانـا استرجـع شريـط ايامهـا

[فــ الشمري ـهد]

تسلمي والله

وتسلم الانامل

دائماً مبدعه

منذو عرفتك في هذا المكان

حقيقي ابدعتي في هذه القصيده

يعطيكي الف عافيه

[فتى الصمت]

تسلم اناملك سعوديه ^_^

لاتحرمينا من ابداعك الحلو

[البصاص]

اثر البشر ماردها عن حـق تحديـد المصيـر الا مسافـة حـرف بيـن آمالـهـا وآلامـهـا

والله بيت يكتب بماء الذهب بس لو تغير لونه يطلع الشعر توب

الف شكر اختي هلاليه على القصيده الاكثر من رائعه

[جنون الشوق]

يسلموووووووووووووو
روعه جدا
:) :) :)