اثنين x اثنين x اثنين / اربعه !!!

[الـعـمـيـد]

من اول بدايات الغلا لاخر جنون الالتيـاع
تشوف حبك في وسط قلبي حنيـنٍ تسمعـه
مدري تغلي او تعالي او تهـور و اندفـاع
يومٍ سألتيني سـؤال بـلا اجابـه مقنعـه
كان السؤال الي يجي من باب حب الاطلاع
ترى جوابه ينترك يا هيه من باب السعـه
لوهي هبايبها ترد الريح رغبـات الشـراع
لا بد في اخـر هبايبهـا لمسـارة تدفعـه
يا هيه ما ودك نحل جذور سالفـه النـزاع
اللي بها بعض العواذل شامتـه مستمتعـه
يعني حرام اشواقنا ينهيهـا مـر الامتنـاع
و الا الشفوق اللي يهيم بورد خدك تمنعـه
لالا تقولين ابتعد ما اطيق طريـاه الـوداع
عندك معاليق الغلا مفتاحهـا و مستودعـه
لو تطلبيني اطلبي لكي تطـاع المستطـاع
اما فراقك مستحيل افكـار جـدا مفزعـه
ابعترف لك يختلف احيان عنك الانطبـاع
احيان تفكيرك ذكي احيـان احسـك امعـه
لكن قلبي اعلن لحبك خضـوع الانصيـاع
لان الغلا كل الغلا وسـط الغـلا متربعـه
تعني لي اكثر مما تعني اللقمه افواه الجياع
ارجيك اكثر من رجا الزارع ثمار المزرعه
الشوق والغربه ثلاث الي يحسّون الضيـاع
اثنين ضرب اثنين ضرب اثنين تقسيم اربعه
يعني اختصار السالفه خلي جنون الالتيـاع
نعيش به باقي العمر واللي يجي معه معـه

[$ يا لبـــيه$]

جميل ما نقلت ..
لاعدمتك يارب

تحياتي ..

[ثبــــات]

نقلك دوما يدل على ذوقيتك الرائعه اخي العميد..

دمت ودام نبض قلمك..

[الـعـمـيـد]

متشكر قوي قوي على مروركم الرائع