يعني أعطيكـ الثقة وتردهآ بلوي الذرآع..يآخي مآشاء الله عليك أبدعت في رد الجميل

[يتيم الحب]

لو خسرتك ما خسرت العمـر.. والدنيـا متـاع
وادري اني لو خسرتك ما خسرت .. الا قليـل

بس فكّر زين.. تعرف من خسر فينا.. وضـاع
وتعرف انّك لو تلفّ الأرض .. وتـدوّر بديـل

والله ان تبطي .. ولو لفّيت فـي كـل البقـاع
ولو تسوّي وش تسوّي ما انت لاقي لي مثيـل

وين تلقى مثل شخصي شخص.. وطباعي طباع
ووين تلقى مثل قلبي قلـب.. أو مثلـي خليـل

البشر واجد .. نعـم .. لكـنّ فـرق الإنطبـاع
يجعلك يمّي تميل .. ويـمّ غيـري مـا تميـل

يا رفيقي .. إنتبه.. واحسـن إلـيّ الإستمـاع
للمواقف دور في كشـف المزيّـف.. والأصيـل

وانت ماقصّرت فيني موقفـك .. جـدا شجـاع
طعنتك في الظهر فعـلا كانـت اثبـات ودليـل

بيّض الله وجهك اللـي ساتـره تحـت القنـاع
ورايتك بيضا معاي وياعسـى عمـرك طويـل

يعني اعطيك الثقه وتردّها ب(لـوي) الـذراع؟؟
ياخي ما شا الله عليك ابدعت فـي رد الجميـل

مدري كيف اشكرْك مدري كيف ارد الصاع صاع
كنت احسْب انّك عزيز النفس .. تطلع لي ذليـل

كم وانـا عيّيـت اصـدّق فيـك قدرالمستطـاع
من غبائي كنت أسكت واعذرك.. واثْر الحصيل

جرح قلبٍ .. ميزته فـي كـل يـوم الإتسـاع
ودمع عينٍ ينهمر من ضيقتي.. فـي كـل ليـل

والله اني كنت احبك حـب .. واتْبعْـك اتّبـاع
كنت لجل ارضي غرورك بس اسوّي المستحيل

كنت اعمى فيك .. لالا .. كنت ميّـت للنخـاع
كنت مدري كيف؟؟ لكن كنت صادق معك حيـل

كنت امارس في غرامي لك سياسـة الانصيـاع
وكنت لاغي معـك فكـرة أعتـزل أو أستقيـل

إندفعـت بكـل مافينـي .. وسـوء الإنـدفـاع
يجبـر الإنسـان أحيانـاً .. يفكّـر بالرحـيـل

صدمتي فيـك انـت.. خلتنـي أفكّـر باقتنـاع
إن قتل النفس راحـه لـو أنـا كنـت القتيـل

إنفجر راسي من التفكيـر.. واشتـدّ الصـداع
كيف اجل بافتكّ من جرحك ودوشة "قـال قيـل"

صرت سيره في حلوق الناس.. وتالي هالضياع
"أنتحر؟؟ معقول!!" يـا ألله وش هـذا الغليـل؟؟

رحمتك يارب لامـن ضاقـت امنحنـي وسـاع
أنت حسْبي في الزمان الجايـر ونعـم الوكيـل

لا غدى "مستقبلي والماضي" اطـراف النـزاع
وصفحة الماضي سواد وشيء من هـذا القبيـل

فلازم انسى لجل أنهي بداخلـي هـذا الصـراع
ولازم اتقوّى .. عشان احقّق النصـر الجليـل

وطالمـا إن الهجـوم افضـل وسيلـه للدفـاع
مستحيل ارضخ لو ان الحمـل ياربعـي ثقيـل

والبخيل اللي نساني واشتري فينـي .. وبـاع
يذلـف الله لا يـردّه .. والله بجرحـي كفيـل

وان سأل عنّـي وجاكـم بعـد فتـرة إنقطـاع
علموه انّـي نسيتـه بـس انـا مانـي بخيـل

طالما كان السبب فـي قوّتـي .. قبـل الـوداع
بلغوه ْبـلا سلامـي خالـص الشكـر الجزيـل

:

:

:



محمد الشهري

[فــ الشمري ـهد]

تسلم والله

اختيار موفق

وذوق رفيع منك

[سعودية وكلي فخر]

ما على " قلب " الرسول إلا / البلاغ

وإنت .. عندي ( رساله ) .. وكلمتين !

قلبي المرسل .. محاك من .. الدماغ .. !

طحت من عيني .. وطاحت .. دمعتين . "

ما أطـوّلها عليك , بلا ( صيـاغ ) .. !

هي قصيره بس { تـ ج ـرح } حبتين

يوم قلبي ذاب في ح ـــبك , وزاغ .. !

ليه قطعته بـ [ إيدك ] قطعتين .. .. ؟

مامسح لي دمعتي غير .. الشماغ .. !

غلطتي / طيبي , وغدرك / غلطتين .. !

بيت صغته .. .. وبيت " لايمكن " يصاغ

شي كتبته , وشي مكانه نقطتين ( . . )

اللي فيني الحين .. ! ما جا من فراغ .. !

صدمه .. وحده .. تكفي / ما أبي صدمتين /

ماعليك / من الرسول / , إلا البلاغ .. !

[ صعب تلدغني بجرحك .. مرتين ] .. !

[شبح الظلام]

أواسي قصيدتك بهالبيتين ياخوي

إن بغيت أعشق أبلقى كثر حبات الرمال
لكن إنتي إن بغيتي صعب مثلي تعشقين

وهذي من عندي تكمله

سمعوا صوتي لكل غادي وكل ساع
كلمتي منها وفيها كلمتين للدخيل

عزتي كافت ووفت وإنت بتلقى لك راع
أما أنا فلي ربي راعي العبد الذليل

يوم حبي لك رفضته وبديت ضربه طاع طاع
كرهي لك بتستقبله غصب عنك يا هزيل

ترى حبي لك بين البشر ظهر وشاع
وأوعدك بظهر حقدي وبظهر كرهي الأصيل

حتى لو كنت مكسر بالقصيد المستطاع
أسوي فيك مثل سواتك ولا علي في قال وقيل

حتى قلبي الي حبك ببحر فيه بالشراع
وبرمي أمه في البحر وبسلك الدرب الطويل

بعدي عنك فايده وانتصار وامتتاع
ما بقى فيني كثير ولا بقى فيني قليل

من عرفتك وإنت داير على كل قلبٍ يباع
تشتري قلوب وتبيع في قلوب وما تميل

ودي مره أعرف إنك تبت وانصعت انصياع
ودي أسمع عنك مره إنك عطيت ولو قليل

لكن إنت تاخذ وبس ولا تعرف تعطي متاع
تاخذ من هذا وذاك وعندك ثمانين بديل

وأنا ببعد وبركب ظهر السفينه وشد الشراع
وبترك الخافق يموت في ضلوع الصدر الجليل

ولا إني بتركه في أي بحر في آخر قاع
عل أشوف إنك تحس وترجع لرب كل ذليل

وسلامتك