♥ღ°•¦ قصتي " موتي ولا دمعة تسري"¦•°ღ ♥

[شجون]

سلمتم على المرور
القمر المضيء
أسيل الدمع
:)

[شجون]

الفصل الرابع
يالسة بروحها في أحد المقاهي...وتتأمل النجوم خلف الزجاج..والثوب الي ترتديه لهاليوم هو الصمت....كانت تتمنى أن تضم نفسها لصدر سعيد الحاني....للحين تذكر كلماته الحنونة...لكنها كانت كلها جذب في جذب..تجمعت في مقلة عينها...دموع كسيرة..نابعة من قلب ممزق....وو جهت ببصرها صوب الناس إلي هناك ..ياهلة مقعدة..عيوز عمية...رجال قاعد بروحه...مرة حامل..ولكن ما وياها رجال..مجموعة من المراهقين..يضحكون...نزلت بصرها لتحت...وهمست لروحها غادة...انتي مقارنة بهذولا ما تسوين شي..لازم توقفين على رجولج..وتراوين الكل انج مو حرمة ضعيفة....ابتسمت..ووقفت وهي متفائلة بالخير للأيام الباقية..
-------------------
صوتها كان يقطع القلب وهي تتكلم .....غالية: ما بروووح بيتكم اليوم يا مريم..
مريم:ليش غلااااتي...ترااا اسما بتجي...
وبصوت متقطع...حزين.عصرته الجروح ردت:مااقدر يا مريم
مريم:غلاااتي شفيج. تصيحين
غالية:بناتي ردوا
مريم:الله..مبروووك
غالية:لكنهم ..
مريم:شنو...
غالية:هربوا مني..هربوا مني يا مريم..تعرفين شنو يعني شعور الام لما يهربون بناتها منها...ما توقعت اني اخوف جذي...
مريم:غلاتي..هم ما شافوج من سنين...وفجأة يجوفون امهم...
غالية مقاطعة:وحشة
مريم:ما كنت اقصد
غالية:لا يا مريم..عادي تعودت....دووم يصير جذي معاي..محد يفهمني غير ضاحي..طيب بسكر باااي
مريم:غالية نظري
طوط..طوط..طوط
فصل الخط..
ما تدري ليش حست قلبها يخزها...شكله شي بيصير...يودت التلفون ودقت على اسما...إلي تأخرت شوي في الرد..
مريم:ما بغيتي تشيلينه
اسما:سووري مريوم..انشغلت بالطباخ...هاني بجي اليوم
مريم:انزين سمعي
اسما:يس
مريم:قلبي يخزني..
اسما:حق ليش
مريم:غالية كلمتني قبل شوي
اسما:همم شو قالت
مريم:تقول ان بناتها رجعوا
اسما:اوووه يحليلها اكيد استانست..يعني ما بتجي اليوم
مريم:ما بتجي عاد انتي سكتي وسمعي السالفة
اسما:انزين
مريم:بناتها خافوا من شكلها وراحوا عند جدتهم..
اسما:جا وش فيه شكلها
مريم:بلا هبالة..قايلة لج انها تشوهت
اسما:يعني الانسان ما يصير ينسى
مريم:واني احس اني شي بيصير
اسما:لا حول ولا قوة الا بالله ما يصير الا الخير ان شاء الله..البنات يحتاجون وقت عشان يتأقلمون ويا الوضع
مريم:مو هذا الي خازني
اسما:عجل
مريم:ما ادري..انزين بتجين اليوم
اسما:اكيد ابي اخبرج بشي..
مريم:قوليه الحين..بروح لغالية لأن
اسما:اها...عجل بقوله لج مرة ثانية
مريم:يكون احسن..يلا بااي
اسما:باايات
-------
عقب ما صكت مريم التلفون...قامت اسما تكمل طباخها....وانشغلت به...بدون ما تحس بالوقت.....سمعت صوت احد يسير صوبها...ولكنها تجاهلته..قرب هالصوت ليها..ولكنه مسرع اختفى..وفجأة حست بيدين تربت على جتوفها...طاحت ملعقة الملح الي كانت ماسكتها من يدينها..وصرخت..هاني..طيحت قلبي..لا تعودها تسوي فيني جذي...!
لحظات من الضحك..ورد مفعم بالحيوية:سلاامة قلبج يا حبي...سووري ما كنت قاصد..طيب خبريني شو الغذا ألحين...وقرب من القدر يجوف شفيه وتوه بيحط الملعقة فيه..الا بيد تضربه..
اسما:يغسلون ايدهم أول...بعدين للحين ما استوى..قوم بدل ثيابك..واتسبح..وتالي تعال...هاني:اسووم..بس بذوقه..
نظرت له نظرة تشتعل منها الشرار..
وصرخت في وجهه وبصوت عالي:قوووووم يلااا
هاني:يمه منج..ما يسوى علينا ...بقوم..بقوووم..
راح عنها..وخلاها تغرق في نوبة ضحك عجيبة ......
سمع ضحكها..وراح يجوف شصاير...ومن ناظرها...قام يضحك عليها من قلب...كانت يالسة على أرضية المطبخ..ويدها على بطنها..وتضحك بشكل هستيري....
اسما:احم احم...شتناظر
هاني:الجنون فنون وقلة العقل مصيبة
اسما:وش قصدك
هاني:هاه ولا شي..اصلاً انا كنت بروح الحمام شيجبني هني..اوه صح نسيت..لازم اروح
اسما:اقعد مكانك
هاني:لا حول ولا قوة الا بالله
اسما:ما تقولي ليش كنت تضحك
هاني:بس جذي..
اسما:قول تضحك عليي..وعبست في ويهه
هاني:آسف..وقرب منها وباسها..
اسما:زين قوووم الحين
هاني:انزين
----------------------------------
الكلمات ممزوجة بالبجي والنشيج يتتابع والأنين يتلاحق...تطالع شإلي صار فيها بعيون ذابلة أكلها الألم..التفتت لمريم اليالسة حذالها..وقالت:جفتي شإلي صاير فيني يا مريم..كل هذا بسبب امي..هي الي ارغمتني اتزوج وهي كانت السبب في كل شي..
مريم:تعودي من الشيطان يا غالية...حرام عليج تظلمين امج جذي..
غالية:لكنها
مريم:غاااالية
غالية:آسفة يا مريم ما اقدر اجود لساني...
مريم:شنو فإلي قلته..
غالية:بفكر
مريم:غالية تراا ذا مستقبلج
غالية:ما ابي اسوي عملية تجميلية..جذي اعارض خلقة ربي..معليش يا اسما اني متقبلة شكلي ..والله راح يعوضني يوم القيامة...
مريم:فكري في الموضوع زين
غالية:بسأل شيخ أول..ما ابي اسوي شي حراام يا مريم
مريم:على راحتج
طيب أخليج ألحين..مع السلامة
غالية:الله يسلمج..ما أوصيج سلمي على اسمااا
مريم:ان شاء الله
---------

[نور الظلام]

القصه روووعــــــه اختي

وانا من المتابعين لهااااا

يسلمووو على القصه الحلوووه

وننتظر باقي القصه

[ستوب أنا توب]

بصرااااااااااحه
والله روعه واكثر
يسلمووو يعطيك العافيه

[أسيل الدمع]

مشكوووووووره شجــــــــون

الله يعطيك العافية

انتظر التكملة

[شجون]

اقتباس   المشاركة الأصلية كتبت بواسطة نور الظلام القصه روووعــــــه اختي وانا من المتابعين لهااااا يسلمووو على القصه الحلوووه وننتظر باقي القصه

انتي الأروع يالغـلا
يعطيك العافية
وربي يسلمك :D

[شجون]

اقتباس   المشاركة الأصلية كتبت بواسطة ستوب أنا توب بصرااااااااااحه والله روعه واكثر يسلمووو يعطيك العافيه

ربي يعافيك
من ذوقج
ثانكس ع المرور:p

[شجون]

اقتباس   المشاركة الأصلية كتبت بواسطة أسيل الدمع مشكوووووووره شجــــــــون الله يعطيك العافية انتظر التكملة

العفوو اخوي
تسلم ع المرور والمتابعة:)

[شجون]

الفصل الخامس "
قاعدة في غرفتها..تعد لياليها الباقية....كانت تدري بإلي بيصير..ومتأكدة بأن ما باقي على حياتها شي...ابتسمت ابتسامة رقيقة..وحطت يدينها على بطنها...وقالت بهدوء قاتل..على الأقل..بخلف ورايي ياهل ينور حياة هاني...لكن شنو أسميه...تمددت على سريرها..وحطت يدينها ورا راسها..وخطر ببالها عدة اسامي..فاضل...عباس..علي..حسين..محمد..عمر..اسا مة..ا ذا كان ولد..وزهرة..فاطمة..جميلة..حسناء..لمى..نهى اذا كانت بنت..وفجأة تذكرت الكابوس الغريب...الي يلاحقها نفس ظلها..وما يهدها أبداً...وبالأخص في نهاية شهرها الثامن......نور إيه..نور..أبسميها نور
غمضت عيونها..عشان تخلي دموعها تطيح على خذينها براحة...وقالت شسر هالحلم..وشالمقصود به....!
ثمان أشهر مرت..وهذا هي في شهرها التاسع...وولا شي تغير..غالية سافرت..ومريم قاعدة لحالها في البيت....واني ويا كوابيسي الأليمة....نشت من سريرها...وفتحت عيونها بتكاسل...سارت للمطبخ....تجوف شنو موجود في الثلاجة...ما تدري شفيها هالأيام..وايد تجوع...خذت لها سندويتشيتين طعمية..وعصير..ورجعت لحجرتها...
-----------------------------
يمشي يم البحر...يشم ريحة الماضي...ويتحسس حياته إلى قريب بتنتهي بدونها..هذا هو إحساسه..ينبهه بأنها بترحل....وما بيكون لها وجود...حس بروحه تذوب من الألم..كل ما ناظر ويهها....يزيد ألمه...وبكل شهر يمر..تذبل ملامحها..وتخور قواها...ويهها صار أصفر..شاحب..عيونها البنية الوساع...تحيط بها الهالات..وسواد غريب تحت جفونها..خذها ..ذاابل...وخشمها الطويل هو إلي محليها ....للحين صورتها محفورة بذاكرته..رغم انه انقطع عنها فترة....نزل راسه..وقال لنفسه:حرام عليك يا هاني..لازم تروح لها..هي في آخر شهر لها دحين..ومحتاجة لك...نشى من مكانه..بيسير لها..ولكنه متردد شوي..
--------------------------
الساعة ألحين خمس العصر....وهي للحين على حالها..قاعدة بروحها..وولدها نايم...ملت من القراية...قرت كل الكتب إلي عندها..وتسأل روحها..ليش ما تقدر تقرى حياتها...مو حياتها كتاب...انتهت قصته..بوفاة الحبيب..ضحكت على روحها..وهمست لنفسها"وللحين تذكرينه يا مريم..ومتى بتنسينه..يختي سالم مات..وانتهى..ما عاد له وجود..فااهمة"نزلت عيونها للأرض..تناظر في الااا شي.....وما تعرف شنو تشغل نفسها..حياتها صارت فاضية....كلمت نفسها ..خلني اروح اشتري لي كتب....لبست عباتها ..ونقابها..وطلعت بره...
تطالع الحياة الي تستمر...وتستمر... من دون الإكتراث ليها أو لغيرها...
----------
شهر كامل..وهي في رحلة العلاج المرير...مشتاقة لوطنها..ولهلها الي غابت عنهم...هي للحين مب واثقة بإلي تسويه..بنظرها أنها اذا سوت عملية تجميلية...تقضي على شرفها وتعارض مشيئة ربها مع أن الكل وضح لها أن وضعها خاص..ومب حرام..والشيخ الي سألته بعد قال لها نفس الكلام..لكنها للحين مصرة...على أن إلي تسويه خطا..بس شتسوي دامها جت هني..لازم تكمل مشوارها....كانت تفكر جذي..وهي منبطحة على سرير المشفى..دخلت عليها الممرضة وقالت لها :جاهزة..
ردت عليها وهي مو مستوعبة:هاااه.
الممرضة:لا انتي مب معاي...اقولج جاهزة..
غالية:ايه..بس حق شنو..
الممرضة وهي منقهرة:حق العملية
غالية:الحين
الممرضة:ايه
غالية:توكلنا على الله..
الممرضة:الدكتور بيدخل.
غالية:لحظة..جيبي نقابي..
الممرضة:شنو..
غالية:ذاك الاسود..
الممرضة:ليش؟!!
غالية:بلبسه تبين رجال غريب يدخل عليّ ويجوفني جذي..
الممرضة:انتي مجنونة..
قاطعهم دخول الدكتور..إلي صدم غالية..لدرجة أنها خذت اللحاف وغطت راسها..وصرخت اطلع بررررررررره...قالتها بالعربي..
الدكتور :هاه
غالية بالإنجليزي:ولا شي ..ما تعرف تدق الباب لما تدخل..للحين ما لبست نقابي..
الدكتور:كيف اسوي لج عملية عجل..
غالية:ما ادري..دبر روحك..
عصب الدكتور من غالية...لكنه حاول يبين عكس هذا..وعطاها ابر منوم..عشان يشتغل على راحته..
-------------------
في السيارة...وعلى الكرسي..يسير لبيته..ويسترق السمع لجروحه..ودمعة..وتتلوها دمعة ثانية..تنحدر على خدينه..ايه..هو يجهش بالبجي..يتذكر أول لقاء بينه وبينها..عقب الزواج
اسما:هاني تحبني..
هاني:ليش تسألين جذي..
اسما:بس..
هاني:تشكين بي..
اسما:اكيد لا..
هاني:غلاااتي..اني مو بس احبج الا اموت فيج..
بدت الحمرة تتصاعد لخذينها فدارت بجسدها بحيث ما يقابله الا ظهرها
هاني:غلااتي تستحين..
اسما:..
هاني:وهي يفر جسدها بحيث يقابل وجهه..فديت الي يستحون انا..
اسما:هاني تكفى..تراك تحرجني
هاني:هههههههههههه
ارتعشت جفونه المثقلة بالسهر والبجي...ووقف بالسيارة بأحد الباركات..وسار لشقته....ركب عتبات الدري..برجل تعبة..ويود مقبض الباب..بدا يحس بتوتر فضيع..ويدينه ترتجف..زاد اندفاعه..وفره...لكنه ما فتح..غريب..هل خوفه أنساه أن يفتحه بالمفتاح..طلع المفتاح من مخباه..وفتح الباب..دخل..وسكره ببطيء..نزل عيونه..وكأنه يبي يمنعها أن تشوفها...لكنه فشل..قربت منه..وقالت له:هلا هاني..وينك...طالت غيبتك والله انك وحشتني..
رفع ويهه..وجافها..وريته ما جافها...حاول يتمالك أعصابه..ونفسه..وبدأ الحديث:كنت مشغول..وسار لحجرته..خالنها بروحها..وشارة تعجب كبييراً على ويهها ؟!!!..
دخل وغسل ويهه..ذي ولا خامس مرة يغسلها..ولكن ليش..؟!!..ليش يا هاني ما تتقبل الأمر..خلاص الي صار صار..طلع برة الحمام..وجافها يالسة على الكرسي الهزاز في غرفته..كأنها كانت تنتظره..قالت له بعذوبة:هاني للحين زعلان مني..
هاني:........."ماكو رد"..
اسما:هاني تكفى لا تسوي فيني جذي...ما ادري ليش أبي اعترف لك اليوم بكل شي..احسه آخر يوم لي معك..
بلع ريقه..وراح للسرير ويلس فوقه...وعيونه موجهة ليها..
اسما:تعرف شكان شعوري لما ابوي جا لي وقال انك تقدمت بخطبتي..
هز راسه بالنفي..
كملت حجيها..كنت فرحانة..تعرف يعني شنو فرحانة ...؟!..أني طول عمري ما ذقت الفرح يا هاني..وهذا الشي تتحقق لما تزوجتك..
ابتسم ابتسامة ذايبة ..ويا الحزن..
اسما:يمكن ما بتصدق...بس يوم تزوجتك..حسيت بأني أكبر مجرمة في الدنيا..حسيت بأني قيدتك..عذبتك..حرمتك من السعادة....
هاني:اسما لا تقولين جذي وتوه بيكمل الا هي تقاطعه..
اسما:ادري يا هاني..بس هذا كان إحساسي..وصدق..اني يا هاني..حرمة عاجزة..ما اقدر احققك لك السعادة الي تبيها..
هاني:اسما بس..لا تقولي جذي
اسما:خلني يا هاني..ابي افضفض..
سكت..وخلاها تكمل..
هاني أني أحبك..بس طول الفترة ما بينت لك هالشي..كنت احسك تكرهني..كنت ظالمتك..وكنت دوم أظنك تزوجتني عشان شفقة بس....
توه بيتكلم..الا تتقرب منه..وتحط يدها على فمه..اششش..اسمعني للآخر..يلست على حظنه..وحطت راسها على جتفه....
وقالت له بحنية:يوم كنت ياهلة..كنت أحسب الكل نفسي..مريض..وان اني انسانة عادية..حالي نفس غيري..لكن لما كبرت..
هاني:شنو..
اسما:فهمت أن أني انسانة غير..وإن إلي آعانيه مو ناس وايد يعانونه..ومن ذاك اليوم..حسيت بأن الدنيا ظالمتني..كل المصايب عليّ..ولا مرة في حياتي...ابتسمت ابتسامة صادقة..دووم اخدع نفسي..كنت مشتاقة للحب..للحنان..وهذا شي ما لقيته لا من امي ولا ابوي..الي كان يتذمرون من نفقات علاجي..كنت دايماً ادعي في صلااتي..أني أموت..عشان أريح هلي....
هاني:لا تقولين جذي..
اسما:خلني يا هاني..خلني..
ولما تزوجتك..عرفت يعني شنو سعادة..فهمت يعني فرح وحب....لكني كنت انانية..عمري ما فكرت بك ..
هاني:اسماا بس..
اسما:اشششش...خلني اكمل
اني يا هاني فكرت بسعادتي بس..ما فكرت بسعادتك انت...ويوم دريت..كان فات الأوان..ضيعت فلوسك لولا شي..العلاج ما نفع..
بوس جبينها..بس يا اسمي..ليش تقولين جذي..
اسما:هاني..اسمعني..لما رجعنا من رحلة العلاج..شفت الألم بعيونك..تشتغل واايد بس عشاني..وكنت أتعذب..عشان ما اقدر اسويلك شي..
ولما صرت حامل..ما اهتميت بك..ولا بغيرك..كنت ابي افرحك..ابي ارفع راسك بياهل يا هاني..يمكن هالشي..يحسسني أن سويت شي..
هاني:بس..
اسما:وهذا اني في شهري الأخير..برفع راسك..بحقق حلمك..
هاني:كاافي..
اسما:ابيك تسمي الياهل بنية او صبي بنور..
هاني:ان شاء الله..
وغمضت عيونها..نامت..
حباها على جبينها..وشلها من حضنه..وحطاها ع السرير..
....
طلع برة الحجرة..وسيده راح للمطبخ..وهو يحس بخنقة..وألم...لوعة ومرارة..حزن وكآبة..حط يده على جبينه..يا ربي شجيبني هني...طلع برة البيت والهم عصره....وسار بسيارته للبحر..
---------
مع أن الشمس ظاهرة..والجو حار..إلا أنه يحس ببرودة...ورجفة سرعان ما امتصها..اعتدل في يلسته..وقام..نظر نظرة أخيرة للبحر..وكأنه يودع همومه..ياااه شو هالإحساس الي ينتابه..اسماا..ليش يفكر فيها..يحس بأن شي صار..حط يده على فمه...عشان لا يصرخ ...ويقووول ..كااااااااااافي عذاب ..ومشى لسيارته..وطول الطريق وباله مشغول بكلام اسما إلي قالته أمس...وصل للبيت..فتح الباب..وجاف اسما رامية ثقلها على الجدار..ويالسة ع الأرض..وصوت أنين ..يصدر منها....كانت تعض على شفايفها..والعرق مبللها..
اسما :هـ ـ ـا نيـ...بمـ ــ و تــ...
شلها بسرعة ووداها للسيارة..قلبه في ذيك اللحظة صرخ عليه..ضميره تحجى..وقال له..ليش خليتها بروحها..الذنب..ايه الذنب هذا كان الشعور الي يحس به...سار بالسيارة وبسرعة...وكل شوي ويطالع اسم