| | | | |
 |  |  |  |
 |  |
بحث مخصص
| ||||||
 |  |  |
| |||||||
 |  |  |
| نبراس القصص الأدبية خاص للقصص الأدبية ...يهتم بالقصة و الرواية الثقافية والتراث القديم قصص حب قصص غرام قصص واقعية . |
 |
| | LinkBack | أدوات الموضوع | انواع عرض الموضوع |
| | | |
| #31  08-04-2006, 02:58 PM | ||||
| ||||
| طييب لا تاكلوني :(:(:(:( بس انا ماشفت تعليقات وتوقعات طيب هذا الجزء ********************* الجـــــــــزء السابع وردت له بعد دقيقه خدوي: باكوو عبدالرحمن : ولكمو خدوي: شنو تاخرت عبد الرحمن : هه لا ماتأخرتي خدوي بعدها على طول طلعت لان فيصل دخل لها غرفتها وبهاي الحظه تلفون البيت دق وخدوي راحت ترد ع التلفون وكان المتصل سلطان ريل دانه يبي فيصل خدوي راحت تنادي فيصل وبنفس اللحظه تلفون خدوي دق خدوي توقعت ان المتصل اهوا لانها كانت يم تلفون البيت (وتعرفون اذا جهاز يم جهاز يطلع صوت فاهيا عرفت ) وايد ستانست وعلى طول ركضت الى غرفتها بس لما وصلت وقف التلفون وماقام يدق تظايقت لانها ماردت عليه بس لما وصلت حجرتها طفت النور وغطت الدريشه بالستارة الي يدخل منها نور خافت وفتحت المكيف فلت شعرها الطويل ونامت على سريرها واخذت تلفونها واتصلت له عبدالرحمن : الووه خدوي خذت نفس عميق وقالت : الوو عبدالرحمن : شلونج ؟ خدوي: تمام .. وانت شلونك ؟ عبدالرحمن : اوكي خدوي: عساه دووم عبدالرحمن : وياج خدوي سكتت ومانطقت باي كلمه عبدالرحمن : خديجه خدوي: هلا عبدالرحمن : تبينا نبدا علاقه حب ؟ خدوي اتعومست وماعرفت شتقول كان ودها تقول أي بس اهيا عارفه ومتاكده انه مايبي : مادري عبدالرحمن : خديجه والله انه خايف من بعدين يصير شي خدوي: شبصير يعني عبدالرحمن : مادري خدوي: اممم عبدالرحمن : انتي قلتي لهم انج اتصلتي لي خدوي:لا ماقلت .. بس هاي ليالو ماتفهم تبط الجبد عبدالرحمن : هه اهيا تخاف عليج خدوي: خل تولي عبدالرحمن : خديجه خلاص لاتحبيني .. انتي ماتحبيني صح لما قال هالجمله حست انها تحبه اكثر تحبه موت وقالت بصوت منخفض ونبرة كانت طالعه من قلبها : الا اموت فيك عبدالرحمن سمعها وقا لها : لا ماتحبيني خدوي: حمان شفيك عبدالرحمن : مافيني شي بس خديجه مابيج تتعلقين فيها خدوي ضاق خلها زود دموعها بدت تنزل بس ماحبت تبين له عبدالرحمن : خديجه .. خدوي قالت له : همم (بمعنا اي) عبدالرحمن قال بصوت واطي : شفيج ساكته عمري خدوي من سمعت كلمة عمري شعر جسمها وقف ماتدري شصار لها حست بحبه يزيد بقلبها بس من مجرد كلامه كانت ودها تلمه وتحضنه بزور وتقول له احبك موت بس ردت عليه وقالت : مافيني شي عبدالرحمن : اوكي خديجه سمعي ...... ونقطع الخط عبدالرحمن في نفسه يقول : اشصار فيه ليش نقطع بس فهمها انه الفوجر خلص (وا فشلتاه ) عند خدوي خدوي قعدت تتحلطم وتتافاف راحت قعدت ع النت بس للاسف ماشفته اون لاين بس شافت ليال اون لاين استغربت خدوي: هاي ليال: هايات خدوي: وي انتي مارحتي المدرسه ؟ ليال: انه ماجد خدوي: اها ماجد : انتي مارحتي المدرسه ؟ خدوي: لا ماجد : ليش خدوي: بس تعبانه شوي ماجد : يعني هاي كله من امس الي صار ؟ خدوي: مادري ماجد : امم خدوي: اوكي ماجد انه بروح الحين وبعد نص ساعه يات الساعه 1 ونص يعني ليال ردت بيتها ماجد عرف ان ليال ردت وعلى طول اتصل فيها : ماجد : الو ليال: هلا والله ماجد : شلونج حبيبتي ؟ ليال: تمام وانت عمري شلونك ؟ ماجد : تمام .. ليال بقول لج ليال: قول ماجد: خدوي ماراحت المدرسه شكلها تعبانه من امس والي صار ليال باستغراب : وانت وين كلمتها ماجد : كنت فاتح ايميلج وكلمتها ليال: اممم اوكي اسمع انه بروح اتصل فيها وبشوف اوكي ؟ ماجد : اوكي بس لاتتاخرين علي ليال: هه ان شاء الله كم ميود عندي ماجد : فديتج والله ليال: اوكي يلا باي ماجد : باي ليال اتصلت في خدوي ليال: الو خدوي: هلا ليال: شلونج خدوي: تمام ليال: صج مريضه ؟ خدوي: شوي ليال: من امس ؟ خدوي كانت بالفعل تعبانه وايد من الي صار لها ماردت على ليال وحطت راسها على ريلها ليال: خدوي تصيحين ؟ خدوي سكتت وماردت صحيح ان دموعها كانت تنزل بس كانت تنزل بكل هدوء ومالها أي صوت ليال: اوكي بقول لماجد يقول له يتصل فيج خدوي: لا لاتقولين ليال: انتي امس ماكلمتيه صح خدوي ماقالت لليال انها كلمته امس : لا ماكلمته بس لاتقولين له ليال: لا بقول لماجد يقول له ويلا باي ليال على طول سكرت عشان ماتعطي فرصه لخدوي عشان تتكلم ليال اتصلت في ماجد وقالت له وماجد عطى حمان الرقم على اساس انه مايعرفه حمان اتصل في خدوي واهيا عرفت ان ليال قالت لماجد خدوي: الو حمان: الو خدوي: ليال صح ؟ حمان: لا خدوي تقول في نفسها (ياعمري ليش تجاملني جذي): انه ادري منها حمان : لا .. خدوي سمعي انه اخوي يا الحين متى بتقعدين ع النت خدوي: مادري انه اخوي الحين يشتغل على جهازي حمان : اوكي اذا خلص طقي لي رنه خدوي نست سالفه الرصيد : اووكي حمان : باي خدوي: باي بعد ماخلص فراس من الكمبروتر على طول خدوي شبكت ع النت ولقت حمان اون لاين حمان : هلا خدوي: هلا فيك حمان: شنو الحين خدوي: والله مادري حمان : اوكي سمعي انتي تغديتي ؟ خدوي: لا ليلحين حمان : روحي تغدي وانه بعد بروح اكا امي تناديني خدوي: مالي نفس حمان : اذا ماتغديتي مابتغدى خدوي: اوكي بس خلاص بروح حمان: اوكي وانه الحين بعد بروح خدوي: اوكي حمان : اذا خلصتي سوي لي رنه خدوي: اوكي خدوي راحت تتغدى وحمان بعد مع ان ماكان لها نفس تاكل بس عشانه اكلت ولما خلصت شبكت ع النت ولقته (away) خدوي راحت له وكلمته خدوي: حمان انت هني ؟ حمان : أي هني خدوي: اممم حمان : تغديتي ؟ خدوي: أي .. انت ؟ حمان : أي انه بعد .. انزين شنو الحين فكرتي بالسالفه ؟ خدوي: لا حمان : امم خدوي: وانت ؟ حمان : لا .. انت فكري وقولي لي وبعد 10 دقايق حمان : ها شصار خدوي: مادري والله حمان: اوكي خديجه خلاص لاتحبيني خدوي: حمان شنو ماحبك انه خلاص حبيتك حمان : خدوج شقلت لج خدوي: حمان ماقدر حمان : لاتقدرين خدوج خلاص لاتحبيني خدوي: افففف شوف انه اذا انت ماتبي تبتدي علاقه معاي عادي واذا تبي بعد عادي حمان انه لــــــــــــــــك حمان : لا خديجه خدوي: افففف حمان بليز والله ماقدر حمان : خديجه قلت لج لاتحبيني وخلاص وبعد 10 دقايق حمان: خدوي انه بمشي خدوي كان ودها تقول لا : اوكي حمان : ديري بالج على عمرج خدوي: اوكي وانت بعد حمان : اوكي باي خدوي: باي خدوي كانت صج ماتدري شتسوي كان الحزن في قلبها ودموعها تنزل وماتدري شتسوي كانت ماتقدر تقول له لا تكفى لا تقول لي هالكلام كانت تحس انها ولاشي بالنسبه له كانت تسمع كل كلمه يقولها وتقول له اوكي عند حور حور كانت تطالع تلفزيون وفجاءة تلفونها دق حور : هلا والله خالد : هلا فيج حور : وينك انت شتقت لك خالد : هني انتي الي وينج يا عمري حور: انه بعد هني قاعده اشوف فلم رومنسي خالد: ههه يا ويلي انه حور بنت طايشة بس من تحت لي تحت وطبعا معارفها من الشباب وايد وخالد هاي رفيجها وعمر 20 سنه خالد : الا اقول حور : قول خالد: شرايج بطلعه نتسلى فيها حور: افا عليك يا بعد عمري من عيوني خالد : والله امووت فيج اذا رضيتي علي حور: هه انه من زمان راضيه عليك خالد : انزين عاد نبيها على الأصول حور: افا عليك كم خلود عندي وتعرفون الشباب والبنات وكلامهم البايخ الي ماله اول ولا تالي .... عند ليال ليال طبعا كانت ترضع مع ماجد ليال: انه خايفه على خدوج ترى ماجد : من شنو ؟ ليال: من رفيجك هاي ماجد : تشكين بحمان يعني ليال: لا بس بعد انه خايفه عليها ماجد : لاتخافين بس انه خايف ان يصير بينهم شي ليال: وانه بعد * خدوي بالليل شبكت ع النت ولقت حمان وبعد السلام حمان : بكره عليج مدرسه ها خدوي: أي حمان : هه واي بكره انتي بالمدرسه وانه نايم خدوي استانست على اسلوبه : هه أي اصلا برد البيت وعلى طول بنام حمان: وااههه أي بس انه نايم وانتي حاطه يدج على خدج بالحصه تبين تنامين خدوي: اوووه حمان حمان : ههه أي أي انه نايم وانتي بالمدرسه خخخ خدوي: ههههه اوكي عاد بس خلاص حمان : هه اوكي .. الا ماقلتي لي شخبار الدارسه خدوي: انه مو اوكي حمان : افا ليش ؟ خدوي: ماكو بس مالي خلق ادرس حمان : اوو خدوي هالفصل ابيج تييبيين علامه اوكي خدوي: اممم اوكي بس ماوعدك حمان : اذا مايبتي علامه اوكي بسوي في روحي شي خدوي: ماتقدر حمان : اقدر خدوي: ماتقدر مابخليك تسوي في روحك شي اصلا الي يلمس شعره منه اذبحه حمان : ههه اوكي والحين روحي نامي يلا خدوي: اووكي حمان : يلا ديري بالج على عمرج خدوي : اوكي حمان : باي خدوي : باي وخلص الجزء .. شنو تتوقعون بالأجزاء اليايه ؟ وشنو راح يصير بين حمان وخدوي ؟ وشنو المشاكل الي بتصير الي راح تكون سببها حور ؟ وشنو راح يصير بين ماجد وليال ؟ اذا تبون تعرفون تابوعني بالأجزاء اليايه .. ومع السلامه .. اٌول اذا ما شفت توقعات بحط الجزء بعد اسبوعين ___________________________________________ I don't care .. How you are ? Where your from ? What you did ? AS LONG AS YOU LOVE ME BABY ~ ღ  |
| | | |
| Sponsored Links | |
| | |
| | | |
| #32 09-04-2006, 01:11 PM | ||||
| ||||
| أتوقع خجوج بتظل حزينة وحمان بقول لها لاتحبيني راح يشوفوها طالعة مع خالد وبينقلب البيت فوق تحت بسببها ماجد وليال راح يحاولوا مساعدة خجوج على نسيان حمان ___________________________________________  بقايا أمل .. وجدان انتما في قلوبنا للأبد ننتظردكم بفارغ الصبر o.O ~ ][ بنوتة + دنجورة + ملوكة + نبولة = صداقـة ولا أحلـى ][ ~ O.o ¨°o.O بقايا أملـ ... القلبـ الجريحـ 1.. اليسا .. وجدانـ .. النبيلة.. أحلى أصدقاء O.o°¨ وردة البحرين + القلب الجريح 1 = عشق للأبد التعديل الأخير تم بواسطة القلب الجريح1 ; 10-04-2006 الساعة 07:58 PM. |
| | | |
| | | |
| #33 10-04-2006, 02:51 PM | ||||
| ||||
| مشكوره على المرور وتابعي القصه عشان تعرفين اذا توقعااك صحيحه ولا لأ ___________________________________________ I don't care .. How you are ? Where your from ? What you did ? AS LONG AS YOU LOVE ME BABY ~ ღ |
| | | |
| | | |
| #34 10-04-2006, 07:59 PM | ||||
| ||||
| ننتظر الأجزاء القادمة ___________________________________________ بقايا أمل .. وجدان انتما في قلوبنا للأبد ننتظردكم بفارغ الصبر o.O ~ ][ بنوتة + دنجورة + ملوكة + نبولة = صداقـة ولا أحلـى ][ ~ O.o ¨°o.O بقايا أملـ ... القلبـ الجريحـ 1.. اليسا .. وجدانـ .. النبيلة.. أحلى أصدقاء O.o°¨ وردة البحرين + القلب الجريح 1 = عشق للأبد |
| | | |
| | | |
| #35 05-05-2006, 08:05 AM | ||||
| ||||
| آسفة على التأخير بس كانت الكاتبة الأصليه مانزلت الجزء الجديد وهذا الحين نزلته وهذا هو ------------- عبدالرحمن كان منشغل مع كتبه .. كان عنده exam وكان يدرس له .. فجاءة يات على باله .. شالفته مع خدوي .. مايدري ليش دايما السالفه تيي على باله .. ودايما يفكر فيها .. كانت شاغلته وكل يوم يفكر فيها .. خايف ان خدوي تتعلق فيه اكثر واكثر كفايه انها تحبه كل يوم اكثر من الثاني .. وبعدين يصير شي يبعده عنها .. حاول انه مايفكر في السالفه ورد لكتبه .. كانت الساعه 2 الا ربع واهوا ليلحينه يدرس .. * خدوي فجاءة قعدت من النوم .. قعدت تطالع في الغرفه ودموعها تنزل على خدها .. حست بوحده .. واهيا تقول في نفسها : وين عبدالرحمن .. وينه عني .. والله مشتاقه له .. احبك حمان والله احبك مووت .. كان الشوق ذابحها وكانت من جد تحس ان حبها له يكبر ويزيد كانت مو قادره تتحمل اكثر .. شافت الساعه كانت 2 الا ربع .. ترددت في انها تتصل بس كانت مو قادره .. * حمان تملل من مجابله لكتبه راح وشغل التلفزيون .. قعد يفرر في القنوات وفجاءة تلفونه دق .. استغرب وفي نفس الوقت خاف .. راح عند تلفونه وشاف المتصل .. استغرب اكثر .. وعلى طول رد .. حمان باستغراب : الوو _ والحزن باين على الصوت : الوو .. حمان زاد استغرابه : خديييييييييجه شفيج .. خدوي: حمان .. حمان : هلا شفيج قولي لي .. خدوي : حماااااان وينك انت اشتقت لك .. حمان وبكل حنيه : حبيبتي انه هني معاج بس انتي خلاص لاتصيحين .. خدوي: ظل وياي .. حمان: بظل وياج بس انتي هدي ولاتصيحين .. وقعدو مع بعض طول الليل .. خدوي حست انها صارت وايد جريبه من حمان الي يحنيته لها وبكلامه يزيد حبه الي بقلبها .. وحست بدفى لما تتكلم معاه واذا تسكر من عنده على طول يروح .. حست انه عايش فيها وفي قلبها وفي بالها .. كان ودها تعبر له عن حبها اذا يسالها شكثر تحبيني بس ماتلاقي له أي كلمه او أي جمله او أي سطور تشرح فيها عن حبها له .. وبعد ماسكرو الأثنين من عند بعض على طول نامو وطبعا خدوي كانت حاسه براحه مالها حدود .. * اليوم الثاني يوم الخميس .. الساعه 2 الظهر .. ام عبدالرحمن كانت تطق الباب على حمان : حماااان اقعد حمان : ان شاء الله يما انه قاعد قاعد .. ام عبدالرحمن : اكيد يمه .. حمان : أي يمه اكيد .. فتح عينه ووجه نظره للدريشه .. تذكر كل الي صار بليله امس .. وزاد توتره على هاي السالفه .. راح اخذ له شاور وبعدها راح جهز لانه مقرر يطلع يتغدى مع ربعه .. * خدوي قعدت قبل عبدالرحمن بنص ساعه .. جهزت ونزلت تحت وراحت تساعد امها (طبعا حور وهلها يايين يتغدون).. دخلت المطبخ .. خدوي: مامي شنو كلشي جهز .. ام فيصل واهيا تطالع خدوي : أي كلشي .... وردت قالت باستغراب : شفييييييها عيونج (خدوي كان باين عليها انها مانامت اوكي ).. خدوي بارتباك : ها انه ؟ ام فيصل باستغراب اكثر : أي انتي .. خدوي زاد ارتباكها : امس كنت سهرانه ع النت .. ام فيصل : انه مادري هالنت بوصلج لي وين .. خدوي: يمـــــــــه .. ام فيصل : انزين طلعي برع .. موب فاضيه لج .. خدوي: بـل .. قويه هاي .. انزين متى راح تجهزين .. ام فيصل واهيا تدز بنتها لي بره المطبخ (ام فيصل ماتحب تشوف بنتها في المطبخ ابدا) : بعدين بعدين .. خدوي : هه .. راحت وقعدت في الصاله وقعدت تحوس في تلفونها .. * عند اماني .. اماني تكلم مشاري رفيجها .. اماني: اقول عمري .. مشاري : هلا قلبي قولي .. اماني : ابي اشوفك .. مشاري يقول في باله والله وصدتج يا امون : افا عليج متى .. ؟ اماني : يوم السبت .. مشاري : اوكي يوم السبت .. بس وين ؟ اماني : عندي بالبيت .. مشاري باستغراب : شنوووو ؟ اماني : ههه اتغشمر .. عندكم بالشاليه مثل كل مره .. مشاري استانس زود : اوكي .. انتي بروحج والله حد معاج .. ؟ اماني : بلا زينب .. مشاري : أي هذيج السمره الحلوة .. ؟ اماني: أي هاي اهيا .. مشاري: مو اهيا رفيجه خليفان .. ؟ اماني : أي .. مشاري فكر بشوي عشان ينتقم من اماني الي احرجته جدام ربعه اول ماتعرفت عليه : اوكي عيل بخلي خليفان ايي بس لاتقولين لها .. يعني مفاجاءة .. اماني : اوكي * الساعه 3 الا ثلث عند فراس فراس يكلم حور (ثاني مكالمه بينهم): حواري .. حور: هلا .. فراس: متى راح تيون البيت مو جنكم وايد اتاخرتو .. ؟ حور: الله يسلمك احنا الحين في مكان الهدايا .. اهوا بالشارع الي يطل على بيتكم .. فراس : شله .. ؟ حور : بعدين راح تعرف .. (حور لفت لفراس هديه كانت علبه فوقها ورد طبيعي مجفف ومن داخلها موجود عطرboss وعليها اوراق ورد وفيه بطاقه فيها كلمات من تاليف حور) فراس : اها انزين يلا عجلو .. والله ودي اشوفج .. حور واهيا تضحك : ان شاء الله .. انزين احنا راح نقعد لي بعد المغرب .. فراس : شوي .. حور: شنو شوي .. قصدك وايد .. * حمان كان طالع يتغدى مع ربعه .. في المطعم .. راشد : انزين الحين شتبون .. ؟ ماجد : والله مادري انتو شتبون .. ؟ احمد (رفيجهم ): على كلامكم هذا ماراح ناكل شي .. عطوني اللست خل اشوف .. وبعد ماقروو شنو يا خذون.. ماجد : انزين طق الجرس مادري الليت عشان ايون حمان : لا انه راح اروح واطلب .. راشد : اوكي .. حمان راح ونسى تلفونه عند ربعه .. * الساعه كانت 3 وخمس.. خدوي كانت قاعده مع امها كانو ينطرون حور واهلها ايون.. خدوي: ماما مو جنهم وايد اتاخرو .. ام فيصل :أي والله وايد اتاخرو .. خدوي : كلميهم .. ام فيصل : لافشله الحين بيون .. خدوي: مممم .. خدوي اخذت تلفونها ودزت مسج لحمان: كنت جالس انا والبحر والليل ونجومه..نسامر بعضنا والكل يحكي بهمومه..ولما جاء دوري بالحكي فجأه!!!هاج البحر وهاجت امواجه..وضاق الليل واختفت نجومه..والقمر تخبى تحت سحابه ..كلهم يقولون كفايه كلام عن (حمان) واشواقه. .. وبهاي اللحظه وصلت حور واهلها .. * ماجد كان تلفونه يم تلفون عبدالرحمن .. ولما شاف المسج واصل لحمان فضوله مامنعه انه يفتح المسج .. ولما قرا المسج وشاف اسم المرسل استغرب خلى المسج مفتوح ولا جنه شاف شي ... وراشد عرف من نظرات ماجد من الي داز الرساله .. بس سكت .. واحمد اهوا الوحيد الي جنه مثل الأطرش وسط زفه .. * زينب كانت تكلم اماني .. ولما اماني قالت لها عن الطلعه .. خافت موت وقالت : اماني انتي مو خايفه .. يبى هذا شاليه يعني ماتخافين يسوون فينا شي .. ؟ اماني: شنو يسوون يعني .. وبعدين ماكو الا مشاري هناك .. زينب تطمنت : أي عبالي في صبيان ثانين .. اماني: لا عاد .. * في بيت خدوي .. بعد ماخلصو من الغدى ام فيصل وام فهد راحو قعدو مع بعض .. وطبعا جواهر ودانه كانو قاعدين معاهم .. اما الرياييل –ابو فيصل وابو فهد و فيصل وفهد وسليمان –كانو قاعدين مع بعض وفراس استاذن منهم وراح غرفته .. طبعا كان يبي يشوف حور .. حور كانت مع خدوي في غرفتها .. حور كانت فاصخه شيلتها وعباتها وفاله شعرها الطويل الأسود .. كانت حاطه لها كحل غامج وايد يلفت النظر ومكثرة القلوز والبودر والشدو والبلاشر .. وكان لابسه لها بلوزة وتنورة قصيرة تحت الركبه .. خدوي تطالع حور واهيا مو قادره ودها تضحك بزوور بس بعد كانت وايد مضايقه لانها معاها وكان شكلها وايد يلفت النظر وتقول في بالها : & |
